កាលពីថ្ងៃទី៩ ដល់ ១៣ ខែធ្នូ ឆ្នាំ២០២៤ វិទ្យាស្ថានចក្ខុវិស័យអាស៊ី (AVI) សហការជាមួយស្ថានទូតនៃសាធារណៈរដ្ឋប្រជាមានិតចិនប្រចាំកម្ពុជា បានរួមគ្នាអនុវត្តគម្រោង «កម្ពុជា-ចិនក្នុងយុគសម័យថ្មី៖ ច្រករបៀងមច្ឆា និងអង្ករ»។ គម្រោងនេះមានគោលបំណងប្រមូលផ្តុំអ្នកជំនាញកម្ពុជា និងចិន មន្ត្រីរដ្ឋាភិបាល និងវិស័យឯកជនដើម្បីធ្វើអន្តរកម្មនិងសុខដុមរមនាលើការណែនាំគោលនយោបាយដែលអាចជំរុញការអនុវត្តច្រករបៀងមច្ឆា និងអង្ករ ដែលជាគំនិតផ្តួចផ្តើមរបស់អតីតនាយករដ្ឋមន្ត្រីកម្ពុជា សម្ដេចតេជោ ហ៊ុន សែន និងឯកឧត្តមប្រធានាធិបតីចិន ស៊ី ជិនពីង កាលពីខែកុម្ភៈ ឆ្នាំ២០២៣ កន្លងទៅ ដើម្បីលើកកម្ពស់កសិកម្មបែបអេកូឡូស៊ីទំនើបនៅតំបន់ភាគពាយ័ព្យនៃប្រទេសកម្ពុជា និងតំបន់បឹងទន្លេសាប។ ភាគីពាក់ព័ន្ធសំខាន់ៗជាង៣០រូប មកពីប្រទេសទាំងពីរបានចូលរួមក្នុងដំណើរទស្សនកិច្ចជាបន្តបន្ទាប់ដោយផ្តោតលើតំបន់កសិកម្ម ជលផល និងស្រែស្រូវក្នុងខេត្តដែលកំពុងរីកចម្រើនចំនួនបី នៅជុំវិញបឹងទន្លេសាបដ៏រស់រវើករួមមាន ខេត្តកំពង់ឆ្នាំង ខេត្តកំពង់ធំ និងខេត្តបាត់ដំបង។ ចំណុចសំខាន់នៃដំណើរទស្សនកិច្ចទាំងនេះ រួមមានការស្វែងយល់ស៊ីជម្រៅអំពីភូមិបណ្តែតទឹកផាត់សណ្ដាយ រោងចក្រអង្កររបស់ខេត្តបាត់ដំបង និងផលិតផលកសិកម្មរបស់ខេត្តកំពង់ធំ។ ក្រៅពីដំណើរទស្សនកិច្ចសិក្សានៅមូលដ្ឋាន អ្នកជំនាញនៃប្រទេសទាំងពីរបានចូលរួមសិក្ខាសាលាស្តីពី «ឧទាហរណ៍អំពីកិច្ចសហប្រតិបត្តិការត្បូងពេជ្រកម្ពុជា-ចិន៖ ច្រករបៀងមច្ឆា និងអង្ករ» ដើម្បីប្រមូលទស្សនៈនិងការយល់ឃើញអំពីរបៀបដែលប្រទេសទាំងពីរអាចរួមគ្នាជំរុញសមាហរណកម្មទីផ្សាររបស់ខ្លួន ជាពិសេសលើផលិតផលជលផល និងអង្ករ។ ជារួម បទពិសោធន៍ដោយផ្ទាល់ទាំងនេះនឹងជួយឱ្យអ្នកចូលរួមក្តាប់បាននូវការជំរុញតថភាពនិងភាពស្មុគ្រស្មាញនៃបច្ចេកទេសផលិតកម្ម និងនវានុវត្តន៍កសិកម្ម។ មហិច្ឆតានៃគម្រោងនេះ គឺដើម្បីជំរុញមិនត្រឹមតែផលិតកម្មប៉ុណ្ណោះទេ ប៉ុន្តែថែមទាំងជំរុញដល់ការកែច្នៃ...Read More