លោក​នាយក​រដ្ឋមន្ត្រី​ ហ៊ុន សែន​ និង​ប្រតិភូ​ជាន់​ខ្ពស់​កម្ពុជា​ កំពុង​បំពេញ​ទស្សនកិច្ច​រយៈ​ពេល​៣ថ្ងៃ​ នៅ​ប្រទេស​ចិន​ គឺ​ចាប់​ពី​ថ្ងៃ​ទី០៩​ដល់​ថ្ងៃទី១១​ ខែ​កុម្ភៈ​នេះ។​ ក៏​ប៉ុន្តែ​ជំនួប​រវាង​លោក​នាយក​រដ្ឋមន្ត្រី ​ហ៊ុន សែន​ និង​ប្រធានាធិបតីចិន​លោក ​ស៊ី ជិនពីង​ កាល​​ពី​ថ្ងៃ​ម្សិល​មិញ​នៅ​ទី​ក្រុង​ប៉េកាំង​ គឺ​ជា​ជំនួប​ដែល​មាន​សារៈសំខាន់​ ក្នុង​ការ​ពង្រឹង​ទំនាក់ទំនង​គ្រប់​ជ្រុងជ្រោយ​បន្ថែម​ទៀត​ និង​ការ​សម្រេច​បាន​ជោគ​វាសនា​រួម។​ នេះ​បើ​តាម​លោក​បណ្ឌិត​ ឈាង វណ្ណារិទ្ធ​ ប្រធាន​វិទ្យាស្ថាន​ចក្ខុ​វិស័យ​អាស៊ី។​ តាម​លោក​បណ្ឌិត​ វិស័យ​ចំនួន៦​ រួម​មាន​នយោបាយ​ និង​ការ​ទូត​ សមត្ថភាព​ផលិត​ និង​វាយនភណ្ឌ ​កសិកម្ម​ ថាមពល ​សន្តិសុខ​ និង​ទំនាក់ទំនង​រវាង​ប្រជាជន​ និង​ប្រជាជន​ រួម​ទាំង​សុខាភិបាល​ គឺ​ជា​វិស័យ​ស្នូល​ក្នុង​ការ​ស្តារ​ និង​អភិវឌ្ឍន៍​សេដ្ឋកិច្ច​កម្ពុជា​ក្នុង​បរិបទ​ក្រោយ​កូវីដ​-១៩ ​ជា​ហេតុ​នាំឲ្យ​កម្ពុជា​មិន​អាច​ខ្វះ​ចិន​ ដែល​ជា​មិត្ត​ដែកថែប​ និង​ជា​ប្រទេស​ដែល​មាន​ទីផ្សារ​ធំ​ផង​ដែរ។​ Full article : https://www.rfi.fr/km/Read More

បន្ទាប់​ពី​បើក​កិច្ចប្រជុំ​ក្រៅ​ផ្លូវការ​កាលពី​ថ្ងៃអង្គារ​ រដ្ឋមន្រ្តីការបរទេស​អាស៊ាន​មាន​កម្ពុជា​ផង​ដែរ​បាន​រួមគ្នា​សម្តែង​នូវ​ការ​ព្រួយបារម្ភ​ និង​អំពាវនាវ​ឱ្យស្វែងរក​ដំណោះស្រាយ​ដោយ​សន្តិវិធី​ចំពោះ​បញ្ហានៅ​ក្នុងប្រទេស​ភូមា។​ ប៉ុន្តែ​កម្ពុជា ​គឺ​ខុសពី​ប្រទេស​សមាជិក​អាស៊ាន​មួយចំនួន​ធំ​ដោយ​មិន​មាន​ប្រតិកម្ម​ និង​ទស្សនៈ​ដាច់ឡែក​ណាមួយ​ចំពោះ​បញ្ហា​នៅ​ភូមានោះ​ឡើយ​។ ​លោក​បណ្ឌិត​ឈាង វណ្ណារិទ្ធ ​នាយក​វិទ្យាស្ថាន​ចក្ខុ​វិស័យ​អាស៊ី ​បាន​អះអាង​ប្រាប់​វិទ្យុបារាំង​អន្តរជាតិ​ថា ​នេះ ​គឺដោយសារ​តែ​កម្ពុជា​នៅ​រក្សា​ការ​ប្រកាន់ជំហរ​នយោបាយ​មិន​លូកលាន់​ផ្ទៃក្នុង​នៃប្រទេស​ដទៃ​។ ​ប៉ុន្តែ​លោក​ឈាង វណ្ណារិទ្ធ​ ក៏​អះអាង​ថា ​ការធ្វើបែបនេះ ​ក៏​ជា​នយោបាយ​ការបរទេស​បត់បែន​មួយផងដែរ​ ពោល ​គឺ​កម្ពុជា​គិតគូរ​បញ្ហា​ផ្ទៃក្នុង​របស់​ប្រទេស​ភូមា​តាម​យន្តការ​អាស៊ាន ​តែ​មិន​ពាក់ព័ន្ធ​ដោយផ្ទាល់​ណាមួយទេ​។ Full article available: www.rfi.fr/kmRead More

របាយការណ៍វិនិយោគពិភពលោក ដែលចេញផ្សាយដោយអង្គការសហប្រជាជាតិ UNCTAD កាលពីថ្ងៃទី១៦ខែមិថុនាម្សិលមិញ បានឲ្យដឹងថា ការវិនិយោគដោយផ្ទាល់ពីបរទេសទៅលើប្រទេសដែលកំពុងមានការអភិវឌ្ឍ នឹងមានការធ្លាក់ចុះ ៤០%នៅឆ្នាំ២០២០នេះ។ សម្រាប់ប្រទេសកម្ពុជា ដែលជាប្រទេសកំពុងអភិវឌ្ឍន៍ដែរនោះ ការវិនិយោគដោយផ្ទាល់ពីបរទេសបានថយចុះលើសពីការចេញផ្សាយជាមធម្យមរបស់ UNCTAD ទៅទៀត។ នេះបើតាមលោក បណ្ឌិត ឆេង គឹមឡុង នាយក​នៃ​មជ្ឈ​មណ្ឌល​នវានុវត្តន៍​ផ្នែក​អភិបាល​កិច្ច​ និង​ប្រជាធិបតេយ្យ​នៃ​វិទ្យា​ស្ថាន​ចក្ខុ​វិស័យ​អាស៊ី។ លោកបណ្ឌិតបញ្ជាក់ថាការធ្លាក់ចុះនៃការវិនិយោគដោយផ្ទាល់ពីបរទេសនេះ បានចាប់ផ្តើមតាំងពីចុងខែធ្នូឆ្នាំ២០១៩មកម្ល៉េះ។ Full article available: www.rfi.fr/aviRead More

ចាប់តាំងពីមានការផ្ទុះការរាតត្បាតវីរុសកូវីដ១៩នៅទូទាំងពិភពលោក ក្នុងនោះក៏មានតំបន់អាស៊ានដែរ ឃើញថាសហគមន៍ប្រជាជាតិអាស៊ីអាគ្នេយ៍មួយនេះ បានចាប់ផ្តើមឡើងដោយភាពមិនយល់គ្នា ឬចំរូងចំរះមួយចំនួន រវាងប្រទេសមួយនិងប្រទេសមួយទៀតជុំវិញចំណាត់ការប្រយុទ្ធប្រឆាំងនឹងមេរោគកូវីដ១៩។ លោកបណ្ឌិត ឈាង វណ្ណារិទ្ធ នាយកប្រតិបត្តិវិទ្យាស្ថានចក្ខុវិស័យអាស៊ី ដែលបច្ចុប្បន្នកំពុងរស់នៅប្រទេសសិង្ហបុរីនោះ មើលឃើញថា ប្រទេសដែលជាសមាជិកអាស៊ាន បានប្រើប្រាស់យន្តការគោលនយោបាយរៀងៗខ្លួនផង និងប្រើប្រាស់យន្តការគោលនយោបាយតំបន់ និងអន្តរជាតិដែរ ក្នុងការទប់ស្កាត់វិបត្តិនានា ដែលបណ្តាលមកពីមេរោគកូវីដ១៩។ Full article available: http://www.rfi.fr/kmRead More