AVI VoiceAVI VoiceAVI Voice ការផ្ដល់ឱកាសដល់យុវជន និងថ្នាក់ដឹកនាំវ័យក្មេងនៅកម្ពុជាគឺជាភាពចាំបាច់ក្នុងការបន្តនូវកេរ្តិ៍តំណែរ និងស្នាដៃនៃសន្តិភាពដែលវីរៈជនជំនាន់មុនបានបន្សល់ទុកឱ្យ។ ក្នុងកិច្ចសម្ភាសន៍នេះ លោកបណ្ឌិត ឆេង គីមឡុង នឹងផ្សល់នូវទស្សនៈពាក់ព័ន្ធទៅនឹងការផ្លាស់ប្ដូរថ្មីនៅកម្ពុជា ជាពិសេសលោកនឹងពន្យល់អំពីផលប៉ះពាល់ដល់ការអភិវឌ្ឍន៍នៅកម្ពុជាបច្ចុប្បន្ន និងសមត្ថភាពនៃថ្នាក់ដឹកនាំវ័យក្មេងក្នុងការថែរក្សាសន្តិភាពជូនប្រទេសជាតិ និងប្រជាជន។ សំណួរទី ១: ជាបឋម តើលោកបណ្ឌិតអាចផ្តល់នូវទស្សនៈផ្ទាល់ខ្លួនបន្តិចបានទេពាក់ព័ន្ធទៅនឹងការផ្លាស់ប្តូរថ្មីមួយនេះ? លោកបណ្ឌិត ឆេង​ គីមឡុង: បាទ នេះគឺជារបត់ថ្មីមួយនៅក្នុងប្រវត្តិសាស្ត្រនយោបាយនយោបាយរបស់កម្ពុជា បើយើងក្រឡេកមើលរយៈពេល ៣០ឆ្នាំកន្លងមកនេះ ឬក៏នៅឆ្ងាយជាងនេះទៅទៀត។ ប៉ុន្តែបើសិនជាមើលចាប់តាំងពីឆ្នាំ ១៩៩៣ មកដល់ឆ្នាំ ២០២៣ នេះគឺជាការកំណត់ថ្មីមួយនូវការផ្លាស់ប្តូរដ៏គួរឱ្យចាប់អារម្មណ៍បំផុត បន្ទាប់ពីមានការបោះឆ្នោតលើកទី១ នៅក្នុងឆ្នាំ១៩៩៣ មកដល់ឆ្នាំ២០២៣ គឺមានរយៈពេល៣០ឆ្នាំគត់ ដែល ៣០ឆ្នាំនេះ បញ្ជាក់អំពីការខិតខំប្រឹងប្រែងផ្លាស់ប្តូរមុខមាត់របស់កម្ពុជានៅក្នុងយុគសម័យថ្មី ការផ្លាស់ប្តូរដែលយើងបានទើបតែដឹងលឺនៅក្នុងរយៈពេលថ្មីៗបន្ទាប់ពីមានការបោះឆ្នោតជ្រើសរើសតំណាងរាស្ត្រនីតិកាលទី៧ ដោយសម្តេចនាយករដ្ឋមន្ត្រី ហ៊ុន សែន ជាប្រមុខរដ្ឋាភិបាលកំពូលបំផុតរបស់កម្ពុជា គឺជាការផ្តល់ឪកាសឱ្យអ្នកដឹកនាំវ័យក្មេងជំនាន់ក្រោយជាអ្នកបន្តវេន ដែលនៅក្នុងនោះគឺមានឯកឧត្តមបណ្ឌិត ហ៊ុន ម៉ាណែត ដែលនឹងក្លាយទៅជានាយករដ្ឋមន្ត្រីថ្មីបន្ទាប់ពីការប្រកាសជាផ្លូវការដោយរដ្ឋសភា និងការតែងតាំងជាផ្លូវការដោយព្រះមហាក្សត្ររួចរាល់នៅក្នុងប្រមាណជាង ២សប្តាហ៍ខាងមុខទៀតនេះ។ ការផ្លាស់ប្តូរនេះគឺអាចជាកម្លាំងចលករថ្មីមួយផ្តល់សន្ទុះទៅដល់ការធ្វើពិពិទកម្ម ការពង្រឹង និងកែទម្រង់នៅក្នុងការដឹកនាំរដ្ឋ ដើម្បីបន្តធានានូវស្ថេរភាព វឌ្ឍនភាព និងវិបុលភាពរបស់កម្ពុជាដែលបានផលដោយសារតែការទទួលបាននូវសុខសន្តិភាពចាប់តាំងពីចុងឆ្នាំ១៩៩៨ កន្លងមក។​...Read More

ដូច​ការ​កំណត់​ទុក​ នៅ​ថ្ងៃ​ទី​១២​ខែ​សីហា​នេះ ​គណៈកម្មការ​អឺរ៉ុប​ បាន​សម្រេច​ដក​ភាព​អនុគ្រោះ​ពន្ធ​ EBA​ ២០%​ពី​ប្រទេស​កម្ពុជា​ ដែល​ធ្វើ​ឲ្យ​មុខ​ទំនិញ​កម្ពុជា​ចំនួន​៤០​មុខ​ គិត​ជា​តម្លៃ​ប្រមាណ​១​ពាន់​លាន​អឺរ៉ូ​នឹង​ត្រូវ​បង់​ពន្ធ​ប្រមាណ​១០០​លាន​ដុល្លារ​អាមេរិក​ ដើម្បី​អាច​នាំចូល​ទៅ​កាន់​ទីផ្សា​អឺរ៉ុប​បាន​។ ជុំវិញ​ការ​សម្រេច​របស់​គណៈកម្មការ​អឺរ៉ុប​ ដែល​ចូល​ជា​ធរមាន​ចាប់​ពី​ថ្ងៃ​ពុធ​នេះ​តទៅ​ លោក​បណ្ឌិត​ ឆេង គឹមឡុង ​នាយក​នៃ​មជ្ឈ​មណ្ឌល​នវានុវត្តន៍​ផ្នែក​អភិបាល​កិច្ច​ និង​ប្រជាធិបតេយ្យ​នៃ​វិទ្យា​ស្ថាន​ចក្ខុ​វិស័យ​អាស៊ី​យល់ថា​សេចក្តី​សម្រេច​របស់​គណៈកម្មការ​អឺរ៉ុប​នៅ​ពេល​នេះ​ បាន​ធ្វើ​ឲ្យ​ខ្សែសង្វាក់​ផលិតកម្ម​នៅ​ក្នុង​ស្រុក​មាន​ការ​រអាក់​រអួល​ និង​លទ្ធភាព​របស់​កម្ពុជា​ក្នុង​ការ​បញ្ចេញ​ទំនិញ​របស់​ខ្លួន​ទៅ​កាន់​សហភាព​អឺរ៉ុប​ប្រកប​ដោយ​ការ​ប្រកួត​ប្រជែង​។ Full article available: https://www.rfi.fr/Read More

របាយការណ៍វិនិយោគពិភពលោក ដែលចេញផ្សាយដោយអង្គការសហប្រជាជាតិ UNCTAD កាលពីថ្ងៃទី១៦ខែមិថុនាម្សិលមិញ បានឲ្យដឹងថា ការវិនិយោគដោយផ្ទាល់ពីបរទេសទៅលើប្រទេសដែលកំពុងមានការអភិវឌ្ឍ នឹងមានការធ្លាក់ចុះ ៤០%នៅឆ្នាំ២០២០នេះ។ សម្រាប់ប្រទេសកម្ពុជា ដែលជាប្រទេសកំពុងអភិវឌ្ឍន៍ដែរនោះ ការវិនិយោគដោយផ្ទាល់ពីបរទេសបានថយចុះលើសពីការចេញផ្សាយជាមធម្យមរបស់ UNCTAD ទៅទៀត។ នេះបើតាមលោក បណ្ឌិត ឆេង គឹមឡុង នាយក​នៃ​មជ្ឈ​មណ្ឌល​នវានុវត្តន៍​ផ្នែក​អភិបាល​កិច្ច​ និង​ប្រជាធិបតេយ្យ​នៃ​វិទ្យា​ស្ថាន​ចក្ខុ​វិស័យ​អាស៊ី។ លោកបណ្ឌិតបញ្ជាក់ថាការធ្លាក់ចុះនៃការវិនិយោគដោយផ្ទាល់ពីបរទេសនេះ បានចាប់ផ្តើមតាំងពីចុងខែធ្នូឆ្នាំ២០១៩មកម្ល៉េះ។ Full article available: www.rfi.fr/aviRead More