វិទ្យាស្ថានចក្ចុវិស័យអាស៊ី (AVI) សូមប្រកាសគាំទ្រយ៉ាងពេញទំហឹង ចំពោះសារពិសេសរបស់ សម្តេចតេជោ ហ៊ុន សែន ប្រធានព្រឹទ្ធសភា នៅថ្ងៃទី២៣ ខែកក្កដា ឆ្នាំ២០២៤ ពាក់ព័ន្ធនឹងកិច្ចសហប្រតិបត្តិការអភិវឌ្ឍន៍តំបន់ត្រីកោណកម្ពុជា-ឡាវ-វៀតណាម (CLV-DTA) ដែលជាគំនិតផ្តួចផ្តើមដំបូងរបស់កម្ពុជា ហើយដឹកនាំ ផ្ទាល់ដោយ សម្តេចតេជោ ហ៊ុន សែន ជាមួយថ្នាក់ដឹកនាំឡាវ និងវៀតណាម ក្នុងឆ្នាំ១៩៩៩ ។             គំនិតផ្តួចផ្តើមនៃការបង្កើតសហប្រតិបត្តិការអភិវឌ្ឍន៍តំបន់ត្រីកោណត្រូវបានប្រទេសក្នុងមហាអនុតំបន់ទន្លេមេគង្គប្រើប្រាស់ជាទូទៅ ដើម្បីជំរុញការអភិវឌ្ឍវិស័យសេដ្ឋកិច្ច ពាណិជ្ជកម្ម វិនិយោគ ទេសចរណ៍ និងវិស័យសំខាន់ៗ នៅតាមបណ្តាខេត្តជាប់ព្រំដែន។ កន្លងមកប្រទេសក្នុងមហាអនុតំបន់ទន្លេងមេគង្គបានបង្កើតតំបន់ត្រីកោណអភិវឌ្ឍន៍ចំនួន៥ រួមមាន៖ តំបន់ត្រីកោណ កម្ពុជា-ឡាវ-វៀតណាម, តំបន់ត្រីកោណ កម្ពុជា-ឡាវ-ថៃ, តំបន់ត្រីកោណ មីយ៉ាន់ម៉ា-ឡាវ-ថៃ, តំបន់ត្រីកោណ ចិន-ឡាវ-មីយ៉ាន់ម៉ា និងតំបន់ត្រីកោណ ចិន-ឡាវ-វៀតណាម។             កិច្ចសហប្រតិបត្តិការអភិវឌ្ឍន៍តំបន់ត្រីកោណ កម្ពុជា-ឡាវ-វៀតណាម មានទម្រង់ជាវេទិកាពិភាក្សានិង ជំរុញកិច្ចសហប្រតិបត្តិការជាក់ស្តែងក្នុងក្របខ័ណ្ឌរដ្ឋាភិបាលនិងរដ្ឋសភានៃប្រទេសទាំងបីដោយផ្តោតលើការអភិវឌ្ឍសង្គម-សេដ្ឋកិច្ច ពាណិជ្ជកម្ម កសិកម្ម​ សន្តិសុខ និង​សុខាភិបាលជាដើម  ហើយមានកម្មវិធីប្រជុំប្រចាំឆ្នាំជាច្រើនកម្រិត រួមមាន កិច្ចប្រជុំកំពូល កិច្ចប្រជុំគណៈកម្មាធិការសម្របសម្រួល កិច្ចប្រជុំឧត្តមមន្ត្រី កិច្ចប្រជុំអនុគណៈកម្មការជំនាញនិងកិច្ចប្រជុំរដ្ឋមន្ត្រីស្តីពីកិច្ចសហប្រតិបត្តិការបង្ការនិងបង្ក្រាបបទល្មើស។ ក្រៅពីនេះ CLV-DTA ក៏បានបន្ថែមកម្រិតសហប្រតិបត្តិការអន្តរសភា កម្ពុជា-ឡាវ-វៀតណាម ក៏ដូចជាកិច្ចសហប្រតិបត្តិការ CLVនិងជប៉ុន,...Read More

[English Below]កិច្ចពិភាក្សាតុមូលស្តីពី «ការបោះឆ្នោតសភាអឺរ៉ុបឆ្នាំ២០២៤» វិទ្យាស្ថានចក្ខុវិស័យអាស៊ី (AVI), Konrad-Adenauer-Stiftung (KAS) និង Delegation of the European Union នៅទីក្រុងភ្នំពេញ បានសហការរៀបចំកិច្ចពិភាក្សាតុមូលស្តីពី «ការបោះឆ្នោតសភាអឺរ៉ុបឆ្នាំ ២០២៤» កាលពីថ្ងៃចន្ទ ទី៨ ខែកក្កដា ឆ្នាំ២០២៤ នៅសណ្ឋាគារ Hyatt Regency ភ្នំពេញ។ កម្មវិធីពិភាក្សាតុមូលនេះបានប្រមូលផ្តុំអ្នកជំនាញការបោះឆ្នោតនៅសហភាពអឺរ៉ុប ដើម្បីពិភាក្សាអំពីបច្ចុប្បន្នភាពនៃស្ថានភាពនយោបាយនៅអឺរ៉ុប ឥទ្ធិពលនៃការបោះឆ្នោតអឺរ៉ុបឆ្នាំ២០២៤ និងទិដ្ឋភាពភាពខុសគ្នារវាងសហភាពអឺរ៉ុប និងអាស៊ាន។ លើសពីនេះ កិច្ចពិភាក្សានេះបានលើកឡើងអំពីការផ្លាស់ប្តូរឥរិយាបថបោះឆ្នោតរបស់ប្រជាជនក្នុងយុគសម័យបច្ចេកវិទ្យាទំនើប និងការផ្លាស់ប្តូរគោលនយោបាយរបស់សហភាពអឺរ៉ុប ដើម្បីឆ្លើយតបទៅនឹងការវិវត្តនៃថាមវន្តរបស់សង្គម-នយោបាយក្នុងតំបន់ និងទិដ្ឋភាពភូមិសាស្ត្រនយោបាយសកល។ ជាពិសេស កិច្ចពិភាក្សាខាងលើក៏បានពិភាក្សាអំពីឥទ្ធិពលនៃលទ្ធផលនៃការបោះឆ្នោត និងបានសង្កត់ធ្ងន់លើសារៈសំខាន់របស់ការទូតសភាដែលមានលក្ខណៈសកម្ម និងបរិសកម្ម ដែលអាចចាប់ផ្តើមចេញពីសកម្មភាពជាក់ស្តែង និងប្រាកដប្រជានានា ដើម្បីពង្រឹង និងជំរុញទំនាក់ទំនងការទូតរវាងប្រទេសនិងប្រទេស ដើម្បីផលប្រយោជន៍រួម។ The Roundtable Discussion on “The European Elections 2024” The Asian Vision...Read More