English Below សេចក្ដីប្រកាសព័ត៌មាន អំពីលទ្ធផលនៃសិក្ខាសាលាស្តីពី «ភាពជាដៃគូយុទ្ធសាស្រ្ដ អាស៊ាន-សហភាពអឺរ៉ុប ក្នុងបរិបទនៃការប្រកួតប្រជែង ភូមិសាស្ដ្រនយោបាយ» ថ្ងៃទី៣០ ខែវិច្ឆិកា ឆ្នាំ២០២១ រាជធានីភ្នំពេញ កម្ពុជា តាមប្រព័ន្ធវីដេអូ Zoom នៅថ្ងៃទី៣០ ខែវិច្ឆិកា​ ឆ្នាំ២០២១ មជ្ឈមណ្ឌលមេគង្គសម្រាប់ការសិក្សាយុទ្ធសាស្ត្រ (MCSS) នៃវិទ្យាស្ថានចក្ខុវិស័យអាស៊ី (AVI) សហការជាមួយស្ថានប្រតិភូសហភាពអឺរ៉ុបប្រចាំកម្ពុជា បានរៀបចំសិក្ខាសាលាមួយស្តីពី «ភាពជាដៃគូយុទ្ធសាស្រ្ដអាស៊ាន-សហភាពអឺរ៉ុប ក្នុងបរិបទនៃការប្រកួតប្រជែងភូមិសាស្រ្ដនយោបាយ» តាមប្រព័ន្ធវីដេអូ Zoom។ សិក្ខាសាលាត្រូវបានចូលរួមដោយអង្គការក្រៅរដ្ឋាភិបាល អង្គការអន្តរជាតិ វិទ្យាស្ថានស្រាវជ្រាវ ស្ថាប័នសិក្សា ស្ថានទូតបរទេសនៅទីក្រុងភ្នំពេញ វិស័យឯកជន អ្នកសិក្សានិងអ្នកជំនាញ ក៏ដូចជានិស្សិតនៅក្នុងប្រទេស និងនៅទូទាំងតំបន់។ នៅក្នុងកិច្ចពិភាក្សាវគ្គទី១ វាគ្មិនកិត្តិយសទាំង ៣ បានពិភាក្សាអំពី «តួនាទីរបស់សហភាពអឺរ៉ុប និងអាស៊ាន ក្នុងការបន្ធូរបន្ថយការប្រកួតប្រជែងរវាងសហរដ្ឋអាមេរិក និងចិននៅក្នុងតំបន់»។ នៅក្នុងវគ្គនេះ បញ្ហាសំខាន់ៗមួយចំនួន និងវិស័យនៃកិច្ចសហប្រតិបត្តិការនានារវាងសហភាពអឺរ៉ុប និងអាស៊ានត្រូវបានលើកយកមកពិភាក្សា រួមមានសារៈសំខាន់នៃភាពជាដៃគូយុទ្ធសាស្ត្រអាស៊ាន-សហភាពអឺរ៉ុប សារៈសំខាន់នៃភាពបន្ស៊ីគ្នារវាងយុទ្ធសាស្ត្រឥណ្ឌូ-ប៉ាស៊ីហ្វិក (FOIP) និងទស្សនវិស័យអាស៊ានស្តីពីឥណ្ឌូ-ប៉ាស៊ីហ្វិក (AOIP) តួនាទីរបស់សហភាពអឺរ៉ុប...Read More