ការបញ្ចប់សង្គ្រាមត្រជាក់កាលពី៣០ឆ្នាំមុន ត្រូវបានគេមើលឃើញថា ជារបត់នយោបាយ និងភូមិសាស្ត្រមួយ ដែលមានជាប់ទាក់ទងទៅនឹងកិច្ចព្រមព្រៀងសន្តិភាពទីក្រុងប៉ារីសថ្ងៃទី២៣ ខែតុលា ឆ្នាំ១៩៩១ ក្នុងការបញ្ចប់សង្គ្រាមរវាងខ្មែរ និងខ្មែរ។ លោកបណ្ឌិត ឈាង វណ្ណារិទ្ធ នាយកវិទ្យាស្ថានចក្ខុវិស័យអាស៊ី(AVI) បានថ្លែងថា ប្រសិនបើសង្គ្រាមត្រជាក់នៅអូសបន្លាយ នោះកិច្ចព្រមព្រៀងសន្តិភាពទីក្រុងប៉ារីសសម្រាប់កម្ពុជា ក៏មិនអាចសម្រេចបានដែរ ដោយសារកត្តាខាងក្រៅជម្រុញខ្លាំង ពិភពលោកបានក្លាយពីប៉ូលពីរ មកជាប៉ូលមួយ ហើយជាពិសេសសហភាពសូវៀតបានដកខ្លួនពីការប្រកួតប្រជែង រួមផ្សំនឹងកត្តាខាងក្នុង គឺភាគីខ្មែរដែលមានជម្លោះទន់ដៃរៀងខ្លួន។
