Workshop

មជ្ឈមណ្ឌលនវានុវត្តន៌និងប្រជាធិបតេយ្យនៃអភិបាលកិច្ចនៃវិទ្យាស្ថានចក្ខុវិស័យអាស៊ី នឹងរៀបចំសិក្ខា សាលា មួយស្តីអំពី«បញ្ហាប្រឈមនៃការវាយតម្លៃគោលនយោបាយ និងការចូលរួមរបស់រាជរដ្ឋាភិបាលជប៉ុន ឆ្ពោះទៅកាន់អភិបាលកិច្ចល្អនៅកម្ពុជា» ដែលនឹងប្រព្រឹត្តទៅ នៅថ្ងៃទី០៧ ខែមីនា ឆ្នាំ២០២៤  ចាប់ពីម៉ោង ៩:00នាទីព្រឹក ដល់ម៉ោង១៥:៣៥នាទីរសៀល។ សិក្ខាសាលានេះមានគោលបំណងចំបងបីយ៉ាង៖(១)  ដើម្បីស្វែងយល់ពីទ្រឹស្តីស្តីពីការត្រួតពិនិត្យគោលនយោបាយនិងវិធីសាស្រ្តវាយតម្លៃដែលបង្រៀនដោយ សាស្រ្តាចារ្យជនជាតិជប៉ុន (២) បានទទួលចំណេះដឹងទៅលើករណីនៃប្រទេសជប៉ុនពីអ្នកអនុវត្តផ្ទាល់ជាជនជាតិជប៉ុននិង(៣)ដើម្បីកំណត់បញ្ហាប្រឈមក្នុង បច្ចុប្បន្នភាពនៃប្រទេសកម្ពុជា។ សិក្ខាសាលានេះនឹងចូលរួមដោយមន្រី្តរាជការ និងអង្គការពាក់ព័ន្ធមួយចំនួន។ ចំពោះសិស្សានុសិស្ស អ្នកស្រាវជ្រាវ និង សាធារណ:ជន ដែលមានចំណាប់អារម្មណ៌ ចង់ចូលរួមស្តាប់ឬចោទជាសំនួរផ្សេងៗ ក៌អាចចូលរួមបានតាមប្រព័ន្ធហ្សូម (zoom) ។ លោកអ្នកគ្រាន់តែធ្វើការចុះឈ្មោះតាមរយ: QR code ខាងលើ ឲ្យបានមុនថ្ងៃទី ០៥ មីនា ២០២៤។ ព័ត៌មានបន្ថែមសូមទំនាក់ទំនងតាមតេលេក្រាមលេខ ០១៦៤៨៤១០៨។ The Center for Governance Innovation and Democracy (CGID) of the Asian Vision Institute (AVI) is hosting a seminar titled […]

វិទ្យាស្ថានចក្ខុវិស័យអាស៊ី (AVI) សហការជាមួយរដ្ឋសភាកម្ពុជា នឹងរៀបចំសិក្ខាសាលាពិសេសមួយស្តីពី«ទំនាក់ទំនងកម្ពុជា-សហភាពអឺរ៉ុបដើម្បីសន្តិភាពនិងការតភ្ជាប់តំបន់» ដោយមានការចូលរួមជាវាគ្មិនពីសំណាក់ ឯកឧត្តម ចាន ហ្សារ៉ាឌីល សមាជិកសភាអ៊ឺរ៉ុប និងជាអនុប្រធានទី១គណៈកម្មាធិការពាណិជ្ជកម្មអន្តរជាតិ។ កាលបរិច្ឆេទ៖ថ្ងៃទី១២ ខែមករា ឆ្នាំ២០២៤ ទីកន្លែង៖ សាលបាយ័ន វិមានរដ្ឋសភា   The Asian Vision Institute (AVI) in collaboration with the National Assembly of Cambodia will hold a special seminar on "EU-Cambodia Relations for Regional Connectivity and Peace" with the participation of Honourable Jan Zahradil, Member of the European Parliament […]

សហគ្រាសធុនតូចនិងមធ្យម គឺជាឆ្អឹងខ្នងនៃសេដ្ឋកិច្ចកម្ពុជា ដែលរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ច និង ការកាត់បន្ថយភាពក្រីក្រ។ យ៉ាងណាមិញ បញ្ហាហិរញ្ញវត្ថុនៅតែជាឧបសគ្គចម្បងដែលរាំងស្ទះដល់ការរីកចម្រើន និង ការអភិវឌ្ឍន៍របស់សហគ្រាសធុនតូចនិងមធ្យម ។ នៅក្នុងទីផ្សារសេដ្ឋកិច្ចកំពុងអភិវឌ្ឍន៍ សហគ្រាសធុនតូចនិងមធ្យមជាច្រើន នៅពឹងផ្អែកលើហិរញ្ញវត្ថុផ្ទាល់ខ្លួនជាជាងការប្រើប្រាក់កម្ចីពីធនាគារ។ កត្តានេះ អាចប៉ះពាល់ដល់និរន្តរភាពពាណិជ្ជកម្ម និងហិរញ្ញវត្ថុរយៈពេលវែងរបស់សហគ្រាសធុនតូចនិងមធ្យម។ ដោយទទួលស្គាល់ថាសហគ្រាសធុនតូចនិងមធ្យមរមែងជួបប្រទះនូវបញ្ហាប្រឈម ហើយអាចមានការយល់ដឹងតិចតួចនៅឡើយអំពីប្រភេទ និងសេវាប្រាក់កម្ចីដែលមាននៅក្នុងទីផ្សារ ព្រមទាំងអំពីអនុលោមភាពរបស់ក្រុមហ៊ុនស្របច្បាប់ ដូចនេះ មជ្ឈមណ្ឌលស្រាវជ្រាវជាន់ខ្ពស់ និងសិក្សានីតិសាស្ត្រ នៃអង្គការវិទ្យាស្ថានចុក្ខវិស័យអាស៊ី និងសមាគមសភាពាណិជ្ជកម្មអាមេរិកនៅកម្ពុជា សហការគាំទ្រដោយ អង្គការសហគ្រិនខ្មែរ និងសមាគមសហគ្រិនស្រ្តីកម្ពុជា បានរួមគ្នារៀបចំសិក្ខាសាលាបណ្ដុះបណ្ដាលសម្រាប់សហគ្រាសធុនតូចនិងមធ្យម ស្ដីពី ច្បាប់និងហិរញ្ញវត្ថុ ដោយផ្ដោតទៅលើការបង្កើនដើមទុនសម្រាប់ការអភិវឌ្ឍប្រកបដោយនិរន្តរភាព។ សិក្ខាកាមទំាងអស់ នឹងទទួលបាននូវការបណ្ដុះបណ្ដាលផ្ទាល់ពីអ្នកអនុវត្ត និងអ្នកជំនាញផ្នែកច្បាប់មកពីវិស័យធនាគារ អំពីវិធីសាស្រ្តបង្កើនដើមទុនប្រកបដោយនិរន្តរភាព និង កត្តាអនុលោមភាពផ្នែកច្បាប់ដើម្បីស្នើសុំប្រាក់កម្ចី។ 🗓 ថ្ងៃសុក្រ ទី១៨ ខែសីហា ឆ្នាំ២០២៣ ⏰ ម៉ោង ៩:០០ ព្រឹក - ១២:០០ ថ្ងៃត្រង់ 🎟 ចូលរួមដោយឥតគិតថ្លៃ 🇰🇭 សិក្ខាសាលានេះ ធ្វើឡើងជាភាសាខ្មែរ […]