ដ្ឋ NORTH CAROLINA — ប្រទេសចិននឹងចុះហត្ថលេខាលើកិច្ចព្រមព្រៀងពាណិជ្ជកម្មសេរីជាមួយកម្ពុជា ជាផ្នែកមួយនៃការបង្កើនកិច្ចសហប្រតិបត្តិការរវាងប្រទេសទាំងពីរតែប៉ុន្មានសប្តាហ៍ ក្រោយពីសហរដ្ឋអាមរិកដាក់ទណ្ឌកម្មក្រុមហ៊ុនចិននៅកម្ពុជា និងសហភាពអឺរ៉ុបដកការអនុគ្រោះពន្ធនាំផលិតផលពីកម្ពុជា ដែលឈ្មោះថា គ្រប់មុខទំនិញលើកលែងតែសព្វាវុធ ឬ Everything But Arms (EBA) ចំនួន ២០ ភាគរយ ដោយសារតែបញ្ហាសិទ្ធិមនុស្សនិងលទ្ធិប្រជាធិតេយ្យ។
នៅក្នុងសេចក្តីប្រកាសព័ត៌មានមួយរបស់ក្រសួងការបរទេសកម្ពុជា ដែល VOA ទទួលបានកាលពីថ្ងៃសុក្រ ចិននិងកម្ពុជាគ្រោងនឹងចុះហត្ថលេខាលើកិច្ចព្រមព្រៀងពាណិជ្ជកម្មសេរី នៅចុងសប្តាហ៍នេះ និងឯកសារចំនួនពីរទៀត ទាក់ទងនឹងការសិក្សាលើគម្រោងធ្វើឲ្យប្រសើរឡើងមន្ទីរពេទ្យបង្អែកខេត្តព្រះសីហនុ និងគម្រោងអភិវឌ្ឍន៍ហេដ្ឋារចនាសម្ព័ន្ធប្រព័ន្ធលូ និងប្រព្រឹត្តិកម្មទឹកកខ្វក់ នៅខេត្តព្រះសីហនុ ដែលជាតំបន់ពាណិជ្ជកម្មចិន ដែលរីកដុះដាលមុនពេលមានវិបត្តិកូវីដ១៩។
ការចុះហត្ថលេខាលើកិច្ចព្រមព្រៀងពាណិជ្ជកម្មសេរី ដែលផ្តល់ឱកាសឲ្យកម្ពុជាចាប់ផ្តើមនាំចេញបាននូវទំនិញរបស់ខ្លួនបន្ថែមទៀតនេះ គឺកើតឡើងក្នុងអំឡុងពេលលោក វ៉ាង យី (Wang Yi) រដ្ឋមន្ត្រីការបរទេសចិន គ្រោងនឹងបំពេញទស្សនកិច្ចជាផ្លូវការ ចំនួន ២ ថ្ងៃ នៅកម្ពុជា ចាប់ពីថ្ងៃអាទិត្យចុងសប្តាហ៍នេះ គឺចាប់ពីថ្ងៃទី១១ ដល់ថ្ងៃទី១២ ខែតុលា ហើយគ្រោងនឹងជួបជាមួយក្រុមមន្ត្រីរដ្ឋាភិបាលកម្ពុជា រួមទាំងលោកនាយករដ្ឋមន្ត្រី ហ៊ុន សែន ផងដែរ។
Full article available : https://khmer.voanews.com/a/china-boosts-free-trade-with-cambodia-as-eu-us-pressure-cambodia-on-human-rights/5615480.html
